Þæfingarnámskeið – Ullarsápur
Íslensk ull, handgerð sápa og skapandi upplifun
Hefur þú prófað ullarsápu?
Ullarsápa er handgerð sápa sem hefur verið þæfð með náttúrulegri, íslenskri ull. Ullin myndar mjúkt lag utan um sápuna og gerir hana bæði fallega og skemmtilega í notkun.
Ullin veitir létta húðskrúbbun, er mjög nærandi fyrir þurra og viðkvæma húð, gefur gott grip og hjálpar til við að halda sápunni saman eftir því sem hún minnkar við notkun. Með mismunandi litum og mynstrum verður hver sápa einstök.
Ullarsápur eru líka falleg og persónuleg gjafahugmynd – sérstaklega fyrir þá sem kunna að meta náttúrulegar vörur og handverk.
Á þessu námskeiði lærir þú að þæfa ull utan um handgerðar Jurtadís-sápur og býrð til þínar eigin ullarsápur í notalegu og skapandi umhverfi.
Hvað lærir þú á námskeiðinu?
- Að undirbúa sápu og ull fyrir þæfingu
- Að velja og blanda saman litum
- Að leggja ullina jafnt utan um sápuna
- Að þæfa ullina skref fyrir skref
- Að búa til falleg mynstur og mismunandi útlit
- Að þurrka og hugsa um ullarsápurnar eftir þæfingu
Engin fyrri reynsla er nauðsynleg.
Innifalið í námskeiðinu
- 5 handgerðar Jurtadís-sápur, tilbúnar til þæfingar
- Ull í fjölbreyttum litum
- Öll nauðsynleg efni og áhöld
- Persónuleg leiðsögn skref fyrir skref
- Kaffi, te, hressing og notaleg samvera
Þú tekur með þér heim 5 ullarsápur sem þú hefur sjálf/ur þæft.
Tímalengd og verð
- Tímalengd: 3–4 klukkustundir
- Verð: 24.000 kr. á mann
- Staðsetning: Jurtadís, Fáskrúðsfirði
Námskeiðið fer fram í litlum hópi með allt að 6 þátttakendum.
Skráning og fyrirspurnir
Langar þig að læra að búa til þínar eigin ullarsápur? Sendu mér tölvupóst á jurtadis@gmail.com til að fá upplýsingar um næstu námskeið og skráningu.
Ef þú hefur ákveðna dagsetningu í huga er þér velkomið að stinga upp á henni og við skoðum möguleikann á að halda námskeið á þeim tíma.
Ég hlakka til að taka á móti þér í skapandi og notalega stund hjá Jurtadís! 🌿
Sabina – stofnandi Jurtadís